北上短程玩一两日向来都係唔少港人嘅周末最爱消遣活动之一，近年内地兴起一类如酸鱼或奶盖特饮等，更加长期大排长龙。而家近近地北上去深圳或珠海等，大家都会习惯先买数据卡，保持同香港朋友联繫。讲起内地数据卡，市场上出咗一款叫「鸭聊佳」嘅 4G 数据卡，由 1 日至 365 日不等极之抵玩，不得不向大家推荐一下。

「鸭聊佳」英文 Mobile Duck，听个名就知取自深水埗出名多数据卡买嘅「鸭寮街」谐音，等大家容易记得。现时咁多数据卡拣，呢张有乜特别?话你知五大吸引理由：

一：性价比高，日数选择够弹性

香港人经常返内地，有人去玩，有人去探亲，亦有人係被公司派上去工作，甚至係上去创业等。所以，每个人上去逗留嘅时间都唔同。「鸭聊佳」目前一共推出咗 6 张 4G/3G 中国内地及本地数据卡，由日卡至年卡不等，正正可以切合到唔同人嘅需要，选择弹性极高。分别有：

4G中国内地1日数据卡

4G中国内地3日数据卡

4G中国内地15日数据卡

4G中国内地30日数据卡

4G中国内地365日数据卡

4G本地365日数据卡

二：1日、3日超抵玩，短程必拣

笔者身边有唔少朋友都会週末或者假期上去深圳一至两日饮饮食食同 Shopping，买数据卡的话一般 1 至 3 日就够。「鸭聊佳」其中嘅 1 日及 3 日卡就最啱不过，因为 1 日面值 $48 就有 1GB 4G 高速数据，及后限速至最高 128Kbps 无限。而 3 日面值为 $58 包 2GB4G 高速数据，及后限速至最高 128Kbps 无限，胜在一个唔觉意用多咗数据都唔会断网。即买即用，毋须登记，而且喺内地仲係用紧中国移动网络，话晒係最大网络商够晒稳定。

$48 一日、$58 三日睇落唔抵玩?呢个只係官方面值来，因为笔者经过鸭寮街见到街卖实价平好多。其中一档所见，一日只需 $30，而三日为 $38，即时抵玩晒!

三：加送一日，平均低至 $9.5/日

见到上边张价钱图，我谂大家都有留意到大大只字写住「加送一天」。点解呢?原来呢张「鸭聊佳」数据卡係以启用翌日起计，所以变相实际上就可以用多一日。简单讲，如果你买一日卡 $30，就会变左两日内可以用 1GB，平均一日只係 $15。买三日卡 $38，就係四日内可以用 2GB，平均来讲一日更低至 $9.5，坚抵啊!

四：可数据共享，一张卡多人用

现时部份漫游数据卡都有个限制，就係唔可以做 Hotspot 分享畀其他机上网。不过呢张卡就无呢个限制啦，因为佢係可以支援数据共享至其他装置，变相一张卡就可以 Share 俾多人用。

五：内地香港年卡，长期往返两地必备

以上同大家提及到 1 日同 3 日卡好抵玩，但如果你係需要长时间内地、香港两地两边走嘅话，仲有更多日子可以选择。包括 15、30 日，以及都好受欢迎嘅 365 日年卡。当中 365 日数据卡仲有本地版，除左有 30GB 本地 4G 数据外，仲有 2,000 分钟本地通话，相当适合数据用量多嘅用户当作第二 SIM 卡用。

笔者仲打听到，鸭聊佳除咗深水埗排档有售之外，唔少电讯舖头都有得卖，去开内地嘅朋友不妨留意下!